نظام عراقي لإدارة مكاتب الصيرفة — من مكتب صغير إلى شركة بفروع. بيع وشراء، صندوق وجرد، مركز وأرباح، وامتثال — كله بالعربي، وكله يشتغل حتى لو النت مقطوع.
صافي كل عملة عندك: نقد الصناديق والخزنة، وبالطريق بين الفروع، وأرصدة المراسلين، وديون الزبائن — بشاشة وحدة لحظية، وبموبايلك.
الربح المحقق (سبريد وعمولات — فلوس دخلت جيبك) مفصول تماماً عن ربح المخزون اللي على الورق. تعرف رقمك الحقيقي، مو تخمين.
بيع وشراء بثلاث ضغطات، أسعار معلنة وأصناف للورقة (كبيرة وخردة وتالف)، وهامش محدد للكاشير — وأي تجاوز يتوقف إلا بمصادقة المدير.
صندوق لكل كاشير بكل عملة وبتفصيل الفئات. عند الإغلاق يعدّ الكاشير والرصيد الدفتري مخفي — بعدها يبين العجز أو الزيادة، وينسجل بذمة صاحبه بمحضر مطبوع.
تحويل بين الخزنة والصناديق بالفئات، بطلب وموافقة، وكل نقلة مسجلة.
الكي كارد تُدار كصندوق: سحب للزبون، عمولة، ومطابقة يومية بين رصيد المحفظة والدفتر.
عتبة العشرة آلاف دولار توقف العملية حتى تكتمل بيانات العميل، وكشف العمليات المترابطة يصيد التجزئة، والتالف مخزون معزول له ضوابط تصريف.
ماكو حذف بالنظام — الإلغاء قيد عكسي. كل عملية ومحاولة مرفوضة مسجلة باسم صاحبها ووقتها.
الكارُم بالأكدية هو حي التجارة والصيرفة ببلاد الرافدين — المؤسسة اللي چانت توزن الفضة وتوثق الديون وتحكم بين التجار قبل أربعة آلاف سنة. وأشهرها كارُم كانِش، اللي انلگت ببيوته ٢٣ ألف لوح طيني: قروض بالفضة، وحسابات قوافل، وعقود شراكة.
أول بيت صيرفة منظّم بالتاريخ چان عراقياً — واحنا نكمّل نفس الشغلة بأدوات هذا الزمان.
يشتغل على جهاز مكتبك بلا إنترنت، ويزامن لما يرجع الاتصال، وشاشة المالك بموبايلك وين ما تكون.